TEO Webdiens van die Fakulteit Teologie van die Universiteit van Pretoria - Artikels - Artikels

Geskiedenis van Ou Testament-eksegese, 15: Die natuurwetenskappe en die ontluistering van die Middeleeuse wêreld.

no@spam.com (Jurie le Roux) — Mon, 19 Jul 2010 06:30:00 PDT

Voordat ons by die negentiende eeu kom eers iets oor die onttowering van die wêreld deur die sestiende en sewentiende eeuse natuurwetenskappe. Eeue lank het die Bybelse wêreldbeeld die vertrekpunt van alle natuurstudie gevorm. Hiervolgens was alles so eenvouidig en duidelik: die aarde was plat en die son en die ander hemelliggame het om die aarde gedraai. Dit was eintlik so 'n wonderlike teorie wat soveel gemoedsrus verskaf het: die aarde, die mens het die middelpunt van God se heelal gevorm en alles (son, maan, sterre) het om die mens en sy wêreld gedraai; die mens was die heelal se sentrum en alles het om hom gewentel; die aarde het op sy pilare gestaan en die mens kon gerus en veilig voel. Natuurwetenskaplike kennis vanaf die sestiende en sewentiende eeur het dié gevoel van geborgenheid egter finaal vernietig (vgl De Knijff 1980:100-102).

Vrae aan Alex Antonites oor sy evolusie-boek

no@spam.com (Jurie le Roux) — Mon, 19 Jul 2010 06:00:00 PDT

Daar het sopas 'n boek oor evolusie, Evolution: Fact or Theory?, deur prof Alex Antonites by Amazon.com verskyn. Dit beslaan 648 bladsye en kan by http://www.amazon.com verkry word. Hieronder vra Jurie le Roux hom 'n paar vrae oor sy boek.

Vrae aan Louis Jonker oor sy belangrike e-boek

no@spam.com (Jurie le Roux) — Mon, 19 Jul 2010 06:00:00 PDT

Prof Louis Jonker van die Fakulteit Teologie, Universiteit van Stellenbosch, is die mede-redakeur van 'n belangrike boek, Global Hermeneutics?:Reflections and Consequences, wat verlede week aanlyn verskyn het en onmiddellik gratis afgelaai kan word by http://ivbs.sbl-site.org/home.aspx. Prof Jonker is 'n Ou Testamentikus wat tans nog in Tübingen navorsing oor Kronieke doen. Jurie le Roux het hom 'n paar vrae gevra.

Bastille 14 Julie 1789 – Teater van die Absurde

no@spam.com (Gerda de Villiers) — Thu, 08 Jul 2010 05:30:00 PDT

Op 14 Julie vier Franse wêreldwyd ‘Bastille’-dag. Met die welbekende slagspreuk liberté, égalité, fraternité, word die Franse Rewolusie ingelui. Vryheid, gelykheid en broederskap is voortaan Franse volk se motto. Die mure van die Bastille tuimel ineen, en die volk is bevry van die mag en onderdrukking van die koning en die kerk. Voortaan het almal gelyke regte en ‘n gelyke sê in die regering van die land. L’ancien régime is vir altyd verby, viva la république!

Geskiedenis van Ou Testament-eksegese, 14: Calvyn en die historiese lees van tekste

no@spam.com (Jurie le Roux) — Thu, 08 Jul 2010 05:30:00 PDT

Die wortels van die negentiende eeuse historiese verstaan van die Ou Testament en veral die Pentateugkritiek asook die groei van die histories-kritiese metode moet in die Reformasie en ook Johannes Calvyn gesoek word (vgl Pitkin 2009:341-371). Hy het hoegenaamd geen klaaruitgewerkte historiese metode of denke gehad nie en iemand het hom inderdaad nog ‘vorkritisch’ genoem (Reventlow 1997:132), maar dit lê in die tipe vrae wat hy aan 'n teks gevra het en dié soort inligting wat hy gesoek het om 'n teks te begryp. En natuurlik was hy nie die eerste of die enigste nie, maar in die lees en herlees van Calvyn se kommentare ontdek 'n mens tog telkens nuwe fasette sy eksegese.

Buchan brou

no@spam.com (Christo Lombaard) — Mon, 14 Jun 2010 01:30:00 PDT

Om Angus Buchan, volksprediker, te kritiseer, is nie altyd ewe maklik nie. Hy het oor die afgelope jare ’n populêre godsdiens-ikoon geword, en mense ag ikone heilig: eensydig betekenisgewend; bo bevraagtekening verhewe. Sy lewe spreek van ’n tipe egtheid wat wyd resoneer: hy ken swaarkry; hy lewe onbeswadderd; hy het ’n gemaklike “common touch”. Verder is hy geen teoloog nie – iets waarop hy soms op ’n manier roem; iets waarmee hy homself teen kritiek kan immuniseer. Opreg is hy ook: hy glo werklik als wat hy sê, al kan dié wat dieper kyk sy oppervlakkighede skaars verstaan; al kan dié wat anders kyk sy eensydighede skaars uitstaan. Want maak geen fout nie, so volgraan-organiesgesond as wat die evangelie wat hy opdis lyk, Buchan brou.

Monoteïsme: ‘n homilie in die mond van Moses?

no@spam.com (Gerda de Villiers) — Mon, 14 Jun 2010 01:30:00 PDT

Daar was ‘n tyd in die middel van die negentiende tot die vroeg twintigste eeu toe die hoop op argeologiese ontdekkings gevestig is om die Bybel as geskiedkundig ‘waar’ te bewys. Hierdie hoop het toenemend beskaam. Bittermin Bybelse ‘feite’ het opgeduik, maar die vele artifakte en potskerwe het tog interessante oorblyfsels van die alledaagse sosiale en kulturele praktyke opgelewer. Maar argeologiese ontdekkings in die laat-sestigerjare van die vorige eeu, sou opspraakwekkende getuienis lewer. Dit het te make met opgrawings wat op twee argeologiese terreine gedoen is: Khirbet el Qom, en Kuntillet Ajrud. Teen die mure en op potskerwe is inskripsies gevind wat dateer uit die agtste tot sewende eeu vC.

Geskiedenis van Ou Testament-eksegese, 13: Luther, die psalms en die Reformatoriese deurbraak

no@spam.com (Jurie le Roux) — Mon, 14 Jun 2010 01:30:00 PDT

Luther se hart het by die eksegese gelê. In Oktober 1512 het hy 'n professor vir die ‘Lectura in Biblia’ in Wittenberg geword en dertig jaar lank sou hy al sy kragte aan die uitleg van die Bybel wy. In die beginjare moes hy ook ander administratiewe take vervul, soos toesig oor 'n aantal kloosters, toelogiese opleiding en die toepassing van kloosterreëls hou. Daarbenewens moes hy oral en altyd in verskillende kloosters preek. En soos wat die jare aangestap het, het dié take meer geword en dit het sy kragte getap, maar hy het hom altyd weer aan die eksegese en die skryf van kommentare gewy.

'n Huldeblyk aan Jimmie Loader

no@spam.com (Stefan Fischer) — Mon, 14 Jun 2010 01:30:00 PDT

... wenn man einen Affen aus sich macht, so hat dieses im Deutschen eine negative Bedeutung. Unser Jubilar stammt aus dem südlichen Afrika und hat, das darf man hier wohl sagen, einen Affen aus sich gemacht und dieses mit einer positiven Bedeutung gefüllt.

Loader: vereer en (net ‘n klein bietjie) ontbloot

no@spam.com (Christo Lombaard) — Mon, 14 Jun 2010 01:00:00 PDT

Die pasafgelope Woensdag, 9 Junie, is die voorheen Pretoriase, tans Weense Ou Testamentikus Jimmy Loader vereer met ’n huldigingsbundel rondom sy 65^ste verjaarsdag. Die versameling studies is getitel Weisheit und Schöpfung, en het verskyn onder redaksie van Stefan Fischer en Marianne Grohmann (Fischer het vir sewe jaar in Namibië en Lesotho gewerk, het sy eerste proefskrif by Loader aan Unisa geskryf, en het sy tweede proefskrif, oftewel habilitasieskrif, weer onder Loader se leiding voltooi, maar toe by Wenen.)