2017. Cas Vos, Die Goddelike Komedie. Liefde laat die son en sterre sing. 

Uitgewer: Naledi

ISBN: 978-0-928316-85-8

E-pos: www.naledi.online

Inleiding

Dante Alighieri se La Divina Commedia is nie ‘n onbekende werk nie. Maar alhoewel baie mense min of meer weet waaroor dit gaan, het bittermin die oorspronklike werk van voor tot agter deurgelees. Middeleeuse Italiaans is slegs vir ‘n handjievol spesialiste in die vakgebied toeganklik, die vreemde woordorde en gedronge versmaat laat menige leser die spoor heeltemal byster raak, amper soos arme Dante, in die middel van sy lewe, in ‘n donker bos … Dít is dan waaroor die storie gaan: ‘n middeljarige man wat ‘n lewenskrisis beleef, en op soek na die sin in sy lewe, ‘n reis na binne onderneem. Hy begin by die donkerste dieptes, die hel (Inferno); hy klouter op teen die berg van loutering (Purgatorio); en bereik uiteindelik die hoogtes waar hy ‘n visioen van die hemel beleef (Paradiso).

In sy nuutste bundel, Die Goddelike Komedie, laat Cas Vos Dante in Afrikaans dig. Dit is nie ‘n letterlike vertaling van La Divina Commedia nie, maar Vos bly op ‘n manier getrou aan Dante, en nuanseer hom op ‘n eietydse wyse. Die Goddelike Komedie slaag uitmuntend daarin om La Divina Commedia uit die middeleeue te gaan uithaal, en dit lewendig en in Afrikaans in die een en twintigste eeu te laat sing.

Lees volledige boekbespreking op Litnet: http://www.litnet.co.za/die-goddelike-komedie-liefde-laat-die-son-en-sterre-sing-n-resensie/